ಎಲ್ಲಿಂದೆಲ್ಲಿಗೋ.......

ಯಾವ ಕುಂಕುಮ ಬಿಂದು

ಯಾರ ಹಣೆ ಬೆಳಗುವುದೋ

ಯಾವ ವಿಧವೆಯ ಬಾಳ

ಅರಳಿಸುವುದೋ ||

ಯಾವ ನೀರಿನ ಸೆಲೆಯು

ಯಾರ ಬಾಯಾರಿಕೆಗೋ

ಯಾರ ಕಣ್ಣೀರ ಜೊತೆಗೂಡಲೆಂದೋ

ಯಾವನಾಪ್ತ ನೆಲ

ಯಾವ ವ್ರಕ್ಷಕೋ ಏನೋ

ಯಾವ ಚೈತ್ರದ ಚಿಗುರ ಬೆಳೆಸಲೆಂದೋ ||

ಯಾವ ಕೋಗಿಲೆ ಹಾಡು

ಯಾವ ಮಾಮರದಲ್ಲೋ

ಯಾರ ಕಿವಿಗೆ ಇಂಪು ಹರಿಸಲೆಂದೋ

ಯಾವ ನೀರಿನ ಆವಿ

ಯಾವ ಮುಗಿಲಿಗೋ ಏನೋ

ಯಾವ ಒಣಗಿದ ನೆಲಕೆ ಸುರಿಸಲೆಂದೋ ||

ಯಾರ ಒಲವಿನ ಪ್ರೀತಿ

ಯಾರ ಎದೆ ಬೆಳಗುವುದೋ

ಯಾವ ಒಲವಿನ ಜೋಡಿ ಕೂಡಲೆಂದೋ

ಯಾವ ಮರೆಯದ ಘಳಿಗೆ

ಯಾವ ಹ್ರದಯದ ಸುಳಿಗೆ

ಯಾರ ನೆನಪಿನ ಛಾಯೆ ಉಳಿಸಲೆಂದೋ ||

--------------------------> ರಾಘವ್.