ಯಾಕೆ ಹೀಗಿದು ಗೆಳತಿ....

ಮನದಂಗಳದ ತುಂಬಾ 

               ನೀನೆ ತುಂಬಿ

ಎದೆತುಂಬಿ ಹಾರುತಿದೆ 

             ಪ್ರೇಮ ದುಂಬಿ

ಹೂವು ಹೂವಿಗೂ ಹಾರಿ

                ಜೇನ ಹೀರಿ

ಮನ ಮನದ ತುಂಬೆಲ್ಲ

             ಸವಿಯ ಬೀರಿ ||

ನಿನ್ನೊಂದು ನೋಟ

ಆ ಧ್ವನಿಯ ಮಾಟ

ಹಚ್ಚ ಹಸಿರಾಗಿಹುದು ಎನ್ನೆದೆಯ ಒಳಗೆ

ನೀ ನಕ್ಕರೇ ಚೆನ್ನ

ಮಾತೆಲ್ಲವೂ ಚಿನ್ನ

ಬಾ ಗೆಳತಿ ದನಿಯಾಗು ನನ್ನೊಲುಮೆ ಕರೆಗೆ||

ಯಾಕೆ ಹೀಗಿದು ಗೆಳತಿ

ನನ್ನುಸಿರು ಹಸಿರಾಗಿ

ಹಸಿಯಾಗಿ ಕಸಿಯಾಗಿ ಬೆಳೆಯುತಿಹುದು

ನಿನ್ನ ಮಾತಿನ ಧಾಟಿ

ನನ್ನೆದೆಯ ಸ್ವರ ಮೀಟಿ

ನಿನ್ನುಸಿರ ಸ್ಪರ್ಶದಲಿ ಕಳೆಯುತಿಹುದು ||

-------------------------; ರಾಘವ್