ನಿನ್ನ ನೆನಪಿಲ್ಲದೆಯೇ
ಕಳೆಯಲೆಂತು....
ಭಾವನೆಯ ದಾಳಿಗಳ
ತಡೆಯಲೆಂತು.... ||
ಮೊದಲೆಲ್ಲ ನೆನಪಿಲ್ಲ
ಭಾವ ದಾಳಿಯೂ ಇಲ್ಲಾ..
ಹುರುಪು ಮಾಧುರ್ಯಗಳು..
ಇರಲೇ ಇಲ್ಲಾ
ಜೀವನಕುನ್ಮಾದಗತಿ
ಬರಲೇ ಇಲ್ಲಾ.. ||
ಕಾಲ ಸರಿಯಿತು ಮುಂದೆ
ಕಣ್ಮುಂದೆ ನೀ ಬಂದೆ..
ಮಧುರ ಸಂಬಂಧದ ನೆಪವ ಹಿಡಿದು..
ಕಲ್ಪಾಂತ ಮನದ ಪ್ರವಾಹ ತಡೆದು..
ಬಂದಿತ್ತು ಹಸಿ ಮನದ
ಹುಚ್ಚು ಹೊಳೆ ಹರಿದು
ಮನದ ಬೇಗೆಯ ಮೂಲವೆಲ್ಲ ಉರಿದು.. ||
ಈಗ ನೀನಿಲ್ಲ
ಉಳಿದಿರುವೆ ನಾನೊಬ್ಬ
ನಿನ್ನ ನೆನಪಿಲ್ಲದೆಯೇ ಕಳೆಯಲೆಂತು.....
ನಿನ್ನ ನೆನಪೊಂದೆ ನನಗೆಂದೂ ಹಬ್ಬ...
ಭಾವನೆಯ ದಾಳಿಗಳ
ತಡೆಯಲೆಂತು?.. ||
- ರಾಘವ..
No comments:
Post a Comment